Þjálfun líkans er ferlið þar sem vélnámslíkan lærir mynstur úr gögnum. Líkanið spáir, spáin er borin saman við rétta útkomu og færibreyturnar lagaðar til svo næsta spá verði betri. Þetta er endurtekið á miklu magni gagna.
Mállíkön eru fyrst þjálfuð á gríðarlegu magni texta og síðan þjálfuð frekar, til dæmis með fínstillingu og styrkingarnámi með endurgjöf manna. Ef spjallþjónusta notar samtöl notenda til þjálfunar geta upplýsingar úr þeim haft áhrif á síðari útgáfur líkansins. Því skiptir máli hvort slökkt er á því.