Vinnuaðgangur er aðgangur að gervigreindarverkfæri, t.d. ChatGPT, Copilot eða Gemini, sem vinnustaðurinn hefur stofnað og stýrir á grundvelli samnings við veitandann. Í slíkum samningum er yfirleitt kveðið á um hvar gögn eru vistuð, hve lengi þau eru geymd og að þau séu ekki notuð til að þjálfa líkön veitandans. Vinnustaðurinn ræður líka stillingum, t.d. hvaða tengingar eru leyfðar.
Eigin aðgangur starfsmanns, jafnvel greiddur, fellur ekki undir þá skilmála. Vinnugögn, sérstaklega persónuupplýsingar og trúnaðarupplýsingar, eiga því heima á vinnuaðgangi en ekki á eigin aðgangi.