Mállíkan er gervigreindarlíkan sem hefur verið þjálfað á gríðarlegu magni texta og lært mynstur málsins. Það býr til svör með því að spá fyrir um líklegasta næsta tóka, aftur og aftur, þar til svarið er tilbúið. Af því leiðir að það getur samið, þýtt, dregið saman og svarað spurningum, en líka að það veit ekki hvort það fer með rétt mál.
Stór mállíkön, á ensku large language models eða LLM, eru grunnur spjallmenna á borð við ChatGPT, Claude og Gemini. Þau þekkja aðeins það sem var í þjálfunargögnunum nema þeim sé gefinn aðgangur að frekari upplýsingum, til dæmis með vefleit eða skjölum.