Sérfræðikerfi er tölvukerfi sem líkir eftir ákvörðunum sérfræðings á afmörkuðu sviði með safni reglna á forminu „ef … þá …“. Reglurnar eru fengnar með viðtölum við sérfræðinga og skráðar handvirkt. Slík kerfi náðu mestum vinsældum á níunda áratugnum, t.d. við greiningu sjúkdóma og uppsetningu tölvubúnaðar.
Sérfræðikerfi voru gagnsæ, því hægt var að rekja hverja niðurstöðu til reglna, en dýr í viðhaldi og réðu illa við tilvik sem reglurnar náðu ekki yfir. Vélnám, sem lærir af gögnum, hefur að mestu tekið við af þeim.