Viðkvæmar persónuupplýsingar eru flokkur persónuupplýsinga sem nýtur ríkari verndar en aðrar. Undir hann falla upplýsingar um kynþátt eða þjóðernislegan uppruna, stjórnmálaskoðanir, trúar- eða lífsskoðanir, aðild að stéttarfélagi, heilsufar, kynlíf eða kynhneigð, erfðaupplýsingar og lífkennaupplýsingar sem notaðar eru til að greina einstakling.
Vinnsla þeirra er almennt óheimil nema sérstök skilyrði persónuverndarlaga séu uppfyllt, t.d. afdráttarlaust samþykki eða skýr lagaheimild. Áður en slíkar upplýsingar eru settar í gervigreindarverkfæri þarf að vera ljóst að heimild sé fyrir hendi og að verkfærið og samningurinn um það henti.